Coalición Bloque por Asturies-UNA. Compromisu por Asturies

La Tertulia Pachín de Melás del mes d’abril, dedica la mesma a aldericar sobre la propuesta d’Ordenanza cívica que se ta proponiendo dende’l gobiernu municipal de Xixón

La tertulia va cuntar cola presencia del colectivu contra la esclusión social Alambique representáu por Antonio Torres, que va tratar la incidencia de la ordenanza nes persones con más necesidaes y en riesgu d’esclusión social, tamién participara XEGA (Xente LGTB Ástur) al traviés d’Irene Saavedra pa dar una visión de cómo incide la normativa dende un puntu de vista de los y les trabayadores del sexu y a la regulación de les relaciones afeutives n’espacios públicos, finalmente va participar l’abogada Yolanda Huergo pa tratar esta temática en relación colos derechos y llibertaes de la ciudadanía.

La tertulia va ser presentada por Daniel Fernández, qu’escribió diversos artículos sobre la propuesta d’ordenanza cívica de Xixón.

Como ye costume, la tertulia va allugase nel Chigre Cantábricu (C/Muelle d’Oriente 3), asitiáu frente a los Xardinos de la Reina de Xixón, con entrada llibre a la mesma.
La tertulia va facese esti xueves 26 d’abril a les 20.30 hores.

(más…)

La noticia d’esti miércoles de General Dynamics European Land Systems Santa Bárbara Sistemas (GDELS-SBS) de zarrar la fábrica de La Vega n’Uviéu acotando con criterios de rentabilildá y cola idea de llevar tola producción a Trubia xenera desconfianza porque nun ye la primer vez que se propón esa idea

La parcela de La Vega ye mui llambiona pensando nel sitiu onde ta y les posibilidaes d’especulación urbanística nesta zona d’Uviéu. Los eufemismos qu’usa la empresa pa tomar la decisión nun acaben de convencer, paez que la única solución que-yos queda pa siguir cola so actividá ye xuntar dambes dos fábriques, la de La Vega y la de Trubia y con esi chantaxe ye col que xueguen cada poco tiempu falando de rentabilidá y de la posiblidá de la perda de puestos de trabayu. (más…)

Bloque-UNA calificaron l’autorización como un pasu más na non xestión de residuos entamada polos gobiernos de PSOE-IU y siguida por FAC, la coalición presentó per mediu de la so Conceyal en Carreño Roberto Folgosu un recursu de reposición ante Francisco González Buendía onde se solicita al mesmu la revocación de l’autorización ambiental integrada que va dexar a Tudela Veguín incinerar 20.000 tonelaes de residuos.

La coalición destacó los arramaos que se van producir al aire nuna zona qu’incumple sistemáticamente los valores llende medioambientales, como los metales pesaos, que s’atropen nos texíos, dioxines y furanos con especial afección a los pexes, policlorobifenilos que caltienen la so tosicidá tiempu enforma  y óxidos de nitróxenu y azufre causantes de llúvia aceda.

(más…)

El Conceyu de L.lena aprebó pidir al Ministeriu de Fomentu una parada d’AVE na Pola. La moción, fue aprobada que fué aprebada na casa Conceyu surdió del conceyal de Bloque por Asturies-Unidá Nacionalista Asturiana (BA-UNA) y cuntó col sofitu del equipu de Gobiernu d’IX, FAC ya PP cola astención del PSOE

Esta coordinadora valora que’l resultáu de la coalición nes elecciones  del 25 de marzu solo puede calificase de malu. Énte un númberu tan amenorgáu de votos y de porcentaxe como los algamaos, y una diferencia coles elecciones de mayu tan alta, nun ye posible facer una valoración del resultáu que nun sía negativa y que nun abra un periodu de reflexón.

Les causes que nos llevaron a esti númberu de votos, tan per debaxo de les mires, entendemos que son tanto esternes como internes, y especialmente nel segundu casu, han de llevanos a una autocrítica fonda que modifique formes d’actuación, d’organización, de comunicación y d’estratexa. (más…)

Tamién anuncia la so participación na manifestación de Xixón y Uviéu

Bloque por Asturies-UNA quier faer públicu’l so sofitu a la Fuelga Xeneral convocada pa esti xueves, ante la política de retayos en servicios públicos y derechos llaborales que ta perpetando’l gobiernu de Mariano Rajoy. (más…)

Nel día caberu de campaña, ésta ye la nuestra axenda pel momentu, anque de xuru qu’amestaremos dalguna actividá más:

11:00 hores, La Pola (L.lena). Rueda de Prensa nel Conceyu L.lena.  Rafael Palacios, Candidatu a la Presidencia d’Asturies por Bloque por asturies-UNA-LV-GV, Yolanda Huergo númberu 2 de pola circunscripción central y el Conceyal de L.lena Agripino Pérez, realicen declaraciones sobre la situación en L.lena, el desenvolvimientu de la campaña y la necesidá d’un cambéu políticu n’ Asturies.

18: 00 hores, Xixón. Paséu de Begoña. Yolanda Huergo y candidatos de Xixón asisten a la concentración en defensa de la Escuela Pública de calidá de 0-3

21: 30 hores, Xixón. Actu-Espicha fin de campaña na Sidrería El Candasu, cola presencia de Rafael Palacios y Yolanda Huergo. (más…)

Tanto l’alcalde de APN-Compromisu por Asturies, Emilio Ballesteros como Rafa Palacios, candidatu de Bloque por Asturies-UNA-LV-GV: Compromisu por Asturies a la presidencia y Yolanda Huergo vocera de la coalición, defendieron en Nava la participación y austeridá na xestión pública, tantu nel ámbitu local como nel restu de les alministraciones

• Palacios defendió la supresión de los privilexos de los cargos públicos y el cambéu del códigu penal pa evitar la prescripción de delitos como malversación y confechu.

•  Según Huergo, una nueva llei de función pública tien d’acabar cola llibre designación.

(más…)

La coalición denuncia que la Xunta Ellectoral Provincial sólo contestó a una de les reclamaciones feches, y na so rempuesta nun se resuelven les cuestiones plantegaes

La coalición Bloque por Asturies-UNA-LV-GV anunció al traviés de Rafael Palacios y Yolanda Huergo, candidatu a la Presidencia d’Asturies y vocera de la coalición respectivamente, nuna rueda de prensa realizada esta mañana n’Uviéu, que presentó una reclamación ante la Xunta Electoral Central ante’l tratu discriminatoriu de la RTPA que se niega a entrevistar al candidatu a la Presidencia , a pesar de cumplir la coalición los criterios pa realizar les entrevistes que marcó’l mesmu ente públicu. (más…)